Afrikaans en die brontaal
September 12, 2013
De Bijbel in het Afrikaans
September 12, 2013

deur Sarie Marais

Die FAK het die afgelope maande ’n Afrikaanse liedjietuin gevestig. Dit is geleë by die FAK-kantoor, op die terrein van die Voortrekkermonument in Pretoria. Die doel van die Afrikaanse liedjietuin is om Afrikaanse musiek te huldig deur op sigbare wyse erkenning te gee aan Afrikaanse kunstenaars wat ’n reuse rol in die musiekwêreld gespeel het.

Die kern van die tuin is ’n roostuin, wat aangeplant is met rose wat na kunstenaars vernoem is, soos byvoorbeeld Christa Steyn, Rina Hugo, Mimi Coertse, Anneli van Rooyen en Steve Hofmeyr. Tydlose Afrikaanse liedjies soos “Skipskop”, “Kinders van die Wind” en ander treffers word op graniet- en ander plate in die tuin uitgestal. Die name van eietydse kunstenaars wat oorlede is, soos onder andere Lucas Maree, Koos du Plessis en Louis van Rensburg sal ook in die tuin aangebring word.

Aangesien die FAK-kantore geleë is op die terrein van die Voortrekkermonument, sal die Afrikaanse liedjietuin ook toeriste lok en sodoende ’n groter bewusmaking kweek van die Afrikaanse liedjieskat en kunstenaars.

0 Comments

  1. Baie geluk met ‘n baie mooi inisiatief. Dit verryk ons kultuur op praktiese en permanente wyse. Sakkie Kotze

  2. Hanke Ceotzee sê:

    Sarie, Dis ‘n wonderlike inisiatief! Ek kan nie wag om dit te sien nie. Wanneer open dit, of kan mens al gaan kyk?

  3. Geagte FAK lesers,

    Ek is besig om navorsing te doen oor die rol van die mondfluitjie (diatonies) in Boeremusiek. Kan mense wat meer van die onderwerp en die geskiedenis daarvan weet, asb met my kontak maak by epos: kultuurkroniek@gmail.com

    Dankie by voorbaat.

    Marthinus van Bart

  4. Roda Pelser sê:

    Goeie dag
    Ek soek asb inligting ivm die liedjie tuin.
    Die lede van die Centurion tuinbou klub dink daaraan om die tuin te besoek in Oktober.
    Kan ons net deur die tuin loop?
    Wat is die koste hieraan verbonde ?
    Hoe lank neem dit om deur te loop ?

    Groete
    Roda

  5. Irma Nortje sê:

    Goeie dag.
    Ek is lid van die flak en ek soek meer inligti g our die liedjie tuin.
    Kan iemand my AsB Kontak…
    Baie dankie

  6. Johan Jansen van Vuuren sê:

    Hallo Irma, jy kan ‘n e-pos stuur vir samantha@fak.org.za

Laat 'n boodskap

error: Content is protected !!