Afrikaners is nie almal so nie
Oktober 10, 2013
Kulturele versoening: wat beteken dit vandag?
Oktober 10, 2013

Na die suksesvolle publikasie van die FAK Sangbundel Vol II in 2012, het die FAK die Afrikaanse Liedjietuin ontwikkel om erkenning te gee aan persone wat Afrikaanse musiek ontwikkel het tot wêreldklasgehalte. Bekende Afrikaanse liedjies word vir FASE 1 op granietplate verewig. Die liedjies is ’n kombinasie van immergroen-liedjies soos “Suikerbossie” tot moderne lekkersing, Afrikaanse treffers soos “Pampoen”.

Die kern van die liedjietuin bestaan uit ’n roostuin wat met ondersteuning van Ludwig’s Roses uitgelê is. Dit is hoofsaaklik naamrose van Afrikaanse kunstenaars wat aangeplant is, soos Christa Steyn, Rina Hugo, Mimi Coertse, Steve Hofmeyr en andere – altesaam 165.

Rina Hugo       Steve Hofmeyr.1

Die amptelike opening het op Donderdag 10 Oktober 2013 plaasgevind.

Liewe Heksie het seremonieel namens Verna Vels ’n toekenning vir Besondere Kultuurdiens aan die Afrikaanse kind ontvang. Die werklike toekenning word op 1 November, tydens die FAK se Prestige-aand aan Verna oorhandig.

Van die gaste wat by die opening was, is onder andere Mimi Coertse, Rina Hugo, Johan van Rensburg, Anneli van Rooyen, Lance James en Karla du Plessis.

Afrikaanse sangers/liedjieskrywers wat oorlede is en vereer word in die tuin, is Janita Claassen, Cora Marie, Rudi Neitz, Deon van der Walt, Christa Steyn, Louis van Rensburg, Bles Bridges, Lucas Maree, Koos du Plessis, Gé Korsten, Gert Potgieter en Johannes Kerkorrel.

Vir verdere inligting en navrae oor die huur van die FAK Afrikaanse Liedjietuin vir klein groepies, kontak vir Samantha by 012 301 1777 of samantha@fak.org.za

0 Comments

  1. Kitty sê:

    Maar julle gee geen adres van waar die tuin geleë is nie?
    Ek verstaan die ‘gewone’ publiek mag dit ook besoek.
    Groete,
    KV

  2. Danie sê:

    Beste Kitty, Die FAK se Afrikaanse Liedjietuin is by die FAK-huis, en laasgenoemde staan reg langs die Voortrekkermonument, sowat 200 meter aan die oorstekant daarvan, tussen die pragtige bome op die terrein. Almal is baie welkom daar! Groete, Danie

  3. Geagte FAK webwerfbesoekers,

    Ek doen navorsing oor die rol van die diatoniese mondfluitjie in Boeremusiek. Ek is op soek na ou plaatopnames en enige literatuur oor die geskiedenis daarvan. Ek sal alle inligting waardeer. My kontakbesonderhede per epos: kultuurkroniek@gmall.com

    Dankie.

    Marthinus van Bart

  4. Gerhard Kok sê:

    Dag. Ek is op soek na julle selfoon-opgawe liedjie nomme 610 – By die ou meulstroom. EK het van my selfoon af die woorde afgelaai maar my foon wou nie die formaat aanvaar van die musiek nie. Ek het op my rekenaar ingegaan, maar kon nie dieselfde webtuiste kry waar ek die liedjie op my selfoon gesien het nie. Kan julle my dalk adviseur.

    Met dank

    Gerhard

Laat 'n boodskap

error: Content is protected !!