Op 8 Julie 1922 is Retief-monument by Kwa Babanango só onthul
Oktober 17, 2013
Uitstalling oor die Groot Trek
Oktober 29, 2013

Bloedrivier11Op 9 Desember 2013 begin die simboliese Groot Trek vanaf Wasbank, waar die Voortrekkers die eerste keer in volle teenwoordigheid die Gelofte afgelê het.

Alle belangstellende volksgenote sal gedurende die dag op die plaas Blinkwater, van mnr. Jan Labuschagne vergader.  Om 17:00 beweeg ons met voertuie na die naby-geleë Wasbankspruit, onthul die marmertablet en doen die  herbevestiging van die Gelofte op die plek waar die laer gestaan het.

Op 10 Des sal daar ’n perdekommando, bestaande uit dames en mans, drie waens met Afrikanerosse, fietsryers en verskeie motors die pad aandurf na die volgende oornagplek toe, nl. Biggarsgat, op die plaas van mnr. C.A. Froneman. Daar aangekom, sal daar by die groot dam eers ’n bietjie kleilat gegooi word. Toutrek sal plaasvind, asook ander ontspannings. Die aand sal ’n klein konsert plaasvind waar volksliedjies gesing word, begelei deur die Boeremusiekgulde. Later word afgesluit met aandgodsdiens en herbevestiging van die Gelofte. So sal by elke oornagplek ’n program wees.

Die derde en vierde oorslaappunte sal by Talana Museum (Dundee) en op die plaas van mnr. Frik Vreken wees.

Op 13 Desember trek die laaste skof na Bloedrivier.

Die volgende fasiliteite word voorsien:
1.    ’n Waterkar met 1000L water
2.    Mobiele toilette
3.    Bestellings kan vooraf geplaas word vir vleisbraaipakkies
4.    Pap en sous word voorsien vir die aand
5.    Warm water word voorsien
6.    Beperkte stortfasiliteit, veral vir die dames
7.    Vuurmaakhout vir ’n kampvuur
8.    Pamflette met volksliedjies

Ter inligting:
1.    Indien persone nie die volle toer kan meemaak nie, kan daar wel by enige van die ander oornagpunte ingeskakel word.  Reëlings moet net vooraf getref word.
2.    Elk sal sorg vir eie slaapgerief (tent/woonwa) en eetgerei. Oggendete is selfversorgend.
3.    Persone wat wil deelneem aan die konsert kan vooraf reël en ’n item lewer.  U is welkom.
4.    Geen besprekings is nodig nie.
5.    Volksgenote, kom betaal u Gelofte!

Vir verdere navra, skakel gerus vir Frans Schutte by 083 375 5198 of Boetman Dominy by 083 659 3843.

0 Comments

  1. Andries Lombaard sê:

    Baie dankie aan die Bloedrivier Geloftefeeskomitee vir die uitnodiging om die aandgodsdiens en geskiedenis vertellings waar te neem uit my Die Geloftedagboek 9-16 Desember. Ons beplan D.V. Die trek met 4xtrek en karavaantjie mee te maak. Wat ‘n groot voorreg om op hierdie wyse kosbare momente uit ons geskiedenis te kan gedenk.

  2. Johan Fourie sê:

    Hierbo staan dat geen besprekings nodig is nie – daar is wel geen koste aan deelnemers behalwe hulle vervoerkostes nie, maar dit sal baie waardeer word as u vir ons ‘n aanduiding kan gee van hoeveel mans en dames in u groep is, watter dag u beplan om by die trek aan te sluit en hoeveel perde (indien enige) u saambring sodat ons die nodige logistieke reëlings kan tref. Stuur gerus ‘n teksboodskap aan een van die nommers hierbo of as u op Bakkiesblad (Facebook) is, kan u ook by https://www.facebook.com/events/257138547773326/ kom aanmeld.

Laat 'n boodskap

error: Content is protected !!