Sing in Harmonie, kreatief ondersteun deur die FAK

Krugerwildtuin-geskiedenistoer
September 26, 2017
Vermaak in Duet-formaat
Oktober 3, 2017

Onthou jy nog die tye wat jy jouself op die koorbankies moes balanseer, terwyl juffrou Vermaak haar hande ritmies op bekende liedjies beweeg het. Reeds hier het baie van ons land se top kunstenaars hulle eerste blootstelling gekry en uitgedraai as supersterre wat op die kassie en tydskrifvoorblaaie pronk, maar nooit het jy gedink dat jy as skoolleerder reeds hierdie geleentheid sou kon kry om op ’n jong ouderdom jou sangtalent met die wêreld op kykNET te kan deel nie.

Daar is verskeie koorkompetisies wat aangebied word, maar Sing in Harmonie is verseker enig in sy soort. Deur hierdie kompetisie word daar ’n platform geskep vir laer- en hoërskoolkore om hul talente nie net op die verhoog te deel nie, maar op nasionale TV. Sing in Harmonie word weekliks op kykNET NOU! (DStv-kanaal 146) uitgesaai en hier kan jy in die gemak van jou uitskopstoel deur van ons land se engelstemme vermaak word.

Om die Afrikaanse taal en kultuur te bevorder, ondersteun die FAK graag kleurvolle projekte wat ’n toekoms skep. Sing in Harmonie is een van hierdie dinamiese projekte wat voortaan kreatief deur die FAK ondersteun sal word.

Of dit nou op die lirieke van “Suikerbossie” of ’n eenvoudige tra-la-laaa is, hierdie jongspan sal jou verseker van hoendervleis-oomblikke!

Kitsfeite oor Sing in Harmonie

  • Daar is vier afdelings, naamlik Juniorkore (laerskool gr. 1–3), Seniorkore formeel (laerskool gr. 4–7), Seniorkore informeel (laerskool gr. 4–7) en Hoërskoolkore.
  • Elke afdeling het R58 000 se pryse op die spel.
  • Koorsang is die een aktiwiteit wat nie seisoenaal gekenmerk word nie; leerders wat daaraan deelneem, is regdeur die jaar pligsgetrou.
  • Elke ingeskrewe skool moet 2 liedere voorberei vir die kompetisie. Een moet ’n Christelike lied wees en een kan ’n kommersiële/kontemporêre lied wees.
  • Nog pryse sluit in ’n CD-opname van 10 snitte, ’n musiekvideo-opname, FAK-Sangbundels en prysgeld wat aangewend kan word vir die skool se kultuurdepartement.

Inskrywings vir 2018 is nou oop! Klik hier om hier om jou skool in te skryf.

 

Laat 'n boodskap

Jou e-posadres sal nie gepubliseer word nie. Verpligte velde word met * aangedui

error: Content is protected !!