Landbouweekblad Hart tot hart
September 26, 2019
Legkaart van ’n jong lewe. Essays oor wat was en geword het
September 26, 2019

deur Chanette Paul

Lapa

Lira kan feitlik enige gebreekte ding mooi of bruikbaar maak maar met liefdesverhoudings vaar sy minder goed. Veral waar daar kinders betrokke is. Sy het geen benul hoe om ’n ma te wees nie. Tog het sy geglo sy sal iets kan uitwerk wat waarde toevoeg tot Frank en Debbie se lewe. Dit is egter die een upcycling-projek waarin sy jammerlik misluk het.

Sy beland op Vywerbaai waar sy ’n winkeltjie vir haar upcycle-produkte wil oopmaak. Die finansiële risiko’s wat sy neem is enorm en teenspoed bly nie uit nie maar sy bly vasberade – upcycle gaan sy haar lewe upcycle.

Lira wen die kosbare vriendskap van drie eiesoortige vroue en die respek van ’n vierde, maar verloor haar hart aan die verkeerdste man denkbaar – een met ’n sterwende vrou en ’n kind wat Lira haat. Die legende van die vywervrou van Vywerbaai word die tema van Lira se winkel maar hou ook ’n waarskuwing in: Ter wille van sy kinders sal ’n man sy taaibosspies deur ’n vywervrou se hart druk en haar visstert gaarmaak sodat hulle kan eet. Maar soos haar vriendin Corali sê: “Ons vywervroue laat ons nie opvreet nie. Deur geen man vrou of kind nie.”

Dit is 573 bladsye van pure lekker leesgenot!

Vywervrou: Lira is die eerste in Chanette Paul se nuwe trilogie wat in 2019 verskyn. Die tweede titel is Vywervrou: Mirre en die derde Vywervrou: Corali.

Comments are closed.

error: Content is protected !!