Die Solidariteit van vandag het reeds op 22 Junie 1902 ontstaan toe die Transvaal Miners’ Association gestig is. Met 110 jaar se ervaring in die Suid-Afrikaanse arbeidsmark is Solidariteit selfs ouer is as die regerende party, die ANC.

Laat jou stem hoor …
AfriForum is ʼn burgerregte-organisasie. Die hooftaak van AfriForum is om die burgerregte van sy lede en hulle gemeenskappe te beskerm. Dit word gedoen deur regte op te eis en regte te beskerm. Dit word nie net in die howe gedoen nie maar ook deur strukture in gemeenskappe te vestig.

Laat jou stem hoor …
AfriForum Jeug is die amptelike jeugafdeling van AfriForum, die burgerregte-inisiatief wat deur Solidariteit gestig is.

Akademia, ʼn inisiatief van die Solidariteit Beweging, is ʼn splinternuwe privaat Afrikaanse afstandonderwysinstelling wat hoëronderwys-kwalifikasies van gehalte teen 30% tot 50% goedkoper as die res van die mark bied.By Akademia kan studente hulle nauurs bekwaam in skaars beroepsrigtings en hulle indiensneembaar maak in ʼn groeiende ekonomie

Die Federasie van Afrikaanse Kultuurverenigings (FAK) is die oudste sambreelorganisasie van kultuurverenigings wat nou al vir dekades lank ‘n leidinggewende rol op kultuur- en taalgebied speel. Die FAK se rol was die koördinering van kultuurverenigings, en dien as ‘n nasionale knooppunt en ‘n dink- en doen netwerk vir die Afrikaanse kultuurgemeenskap.

Elke lid van die vakbond Solidariteit dra elke maand R11 tot die Solidariteit Groeifonds by. Ander individue dra ook tot die fonds by. Die fonds finansier ontwikkelingsprojekte van die Solidariteit Beweging. Die vestiging van Sol-Tech is grotendeels moontlik gemaak deur die Solidariteit Groeifonds. Die Groeifonds gaan ook baie ondersteuning gee aan die bou van Die Kampus.

Solidariteit Helpende Hand is ʼn gemeenskapsinisiatief wat fokus op opheffing deur middel van opleiding as kernfaktor. Dit word gedoen deur die aanspreek van geestelike, kulturele en maatskaplike nood. Helpende Hand funksioneer binne Solidariteit as ʼn onafhanklike artikel 21-maatskappy wat sy eie fondse genereer.

Die teleurstellende belangstelling van die algemene publiek tydens die 100-jarige herdenking in 1999 van die Anglo-Boereoorlog (ABO) het daartoe gelei dat Kraal-Uitgewers gestig is. Kraal-Uitgewers se boeke oor die ABO is ‘n liefdestaak wat die reëls van die uitgewersbedryf omverwerp tot voordeel van daardie klein groepie persone wat die belangrikheid van die gebeurtenisse van ‘n eeu gelede nie net besef nie, maar die insig en kennis rakende die ABO wil bevorder.

Maroela Media is ’n internetkuierplek, trots en onbeskaamd Afrikaans. Maroela hou besoekers in pas met wat in die wêreld gebeur, gee hulle ʼn kykie in wat in die gedagtes en gesprekke van Afrikaanssprekende meningsvormers aangaan, en bied hulle die geleentheid om hul eie stem te laat hoor. Dis ʼn eenstop-kuierplek wat besoekers op hoogte hou van wat in die wêreld van Afrikaans aanʼt gebeur is, van kunstefeeste en teaters tot nuwe Afrikaanse musiek, boeke en films.

Hierdie maatskappy bestuur Solidariteit se besigheidsafdeling, en word 100% deur die vakbond besit. SBM se doel is om bykomende dienste aan lede te bied en om kapitaal te skep om ons lededienste verder te verbeter.

Sol-Tech lei studente in ambagte op. Die instelling is geregistreer as ʼn instelling vir verdere onderwys en opleiding en is by die tersaaklike Setas geregistreer. Sol-Tech fokus daarop om studente in skaars en kritieke vaardighede op te lei.

Die Solidariteit Navorsingsinstituut (SNI) is ʼn navorsingsinstelling en denksentrum van Solidariteit wat fokus op die formulering en bevordering van openbare beleid.